RÉK KAMANA ANJEUN

Hiliwir angin kiwari beuki tarik

Paripolah jauh tina papagon kasundaan

Panon poé nu nyingray kiwari geus panas

Nyahéngkeun haté, pikiran, sangkan jadi goréng

Tuh gunung nu baheula niiskeun pikiran

Ayeuna ruksak jadi pamikiran

Tuh leuweung nu baheula ngocorkeun cai

Ayeuna béak dikocorkeun kapentingan

Kiwari poho kana pangawakanna

Kiwari ingkar kana jangji nu munggaran

Cai laut nu biru

lila-lila jadi konéng kacampur cai katumbiri pabrik

Basisir jadi asri pinuh ku barangkal pelastik

Sakola teu nyakolakeun deui

Imah teu ngimahan deui

Rék kamana anjeun ?