Peuting Simpe

PEUTING SIMPÉ

Peuting nu ngahariring

Saucap basa kedal tina lamunan.

Nanging angin maturan peuting nu simpé

Simpé ku kabeungharan dunya.

Sakur nyeleksek tiis nyimbutan.

Sarupaning sato ngapung ngahieng deukeut ceuli

kabéh mentingkeun beuteung.

Nepi ka poho kana pangawakan sorangan

Kuring sono kahirupan budak

Ulin babarengan nepi ka poho waktu

Kiwari geus sirep euweuh nu maturan

Kuring éléh nyanghareupan kahirupan

Euweuh pamuntangan asih ti kembang eros nu bodas.

Euweuh pangbalikan nu matak ngawaaskeun panon.

Sapanjang jalan léngkah beuki beurat

Hirup ku hirupna, leumpang weuh baturna.

Beuki tiis karasa angin ngolébat.

Peuting nu simpé .